Ministrja e Infrastrukturës dhe Energjisë, Belinda Balluku, ka përfshirë oligarkun Shkëlqim Fusha edhe në aeroportin e Vlorës. “Fusha” shpk njihet për paratë që ka marrë nga fondet e rindërtimit, nga Piramida dhe Teatri, si edhe koncesione dhe tendera pa fund. Tashmë biznesmeni është ftuar t’i japë një dorë edhe aeroportit të Vlorës.
“Fusha” shpk ka përfituar tenderin me objekt ‘Sistemi i furnizimit me ujë te Aeroportit te Vlorës’, ku do të hapë kanale dhe do të shtrojë tuba uji për të krijuar kushtet për koncesionarin që po ndërton aeroportin.
Për këtë gjë “Fusha” do të paguhet 477 milionë lekë, pa llogaritur TVSH e materialeve që do të përdoren aty. Përfitimi i këtij fondi të madh për të shtruar disa tubi uji në vetëm 6 muaj punë është vetëm sipërfaqja e këtij ajsbergu abuzimi.
Nga shqyrtimi i kontratës shohim shkeljet që janë bërë në brendësi. Siç thamë në fillim të shkrimit tenderi është zhvilluar nga Ujësjellës Kanalizime Vlorë, që administrohet nga Elona Hodaj, por që është në varësi të Ministrisë së Infrastrukturës dhe Energjisë, ku fjalën e fundit e thotë Balluku.
Dhe si në çdo herë tjetër në projekte të mëdha, ku përfshihen “miqtë” e kryeministrit, Balluku jep urdhrin që tenderët të kalojnë pa vonesa.
Më 22 korrik 2024, Balluku ka hapur garën dhe më datë 6 gusht 2024 e ka përfunduar procedurën.
Në këtë kohë u dorëzuan dy oferta, nga “ASI-2A CO” & “SHENDELLI” sh.p.k me vlerë rreth 400 milionë lekë, që ishte edhe më e lira, si dhe nga “Fusha” shpk. Bashkimi i dy kompanive u skualifikua nga gara me argumentin se nuk ka respektuar kriteret, pa specifikuar cilat.
Ndërsa oferta e “Fusha” shpk me vlerë 440 milionë lekë u pranua pa patur konkurrent përballë dhe u shpallë menjëherë fituese në ditën që u mbaj tenderi. E thënë më qartë, Shkëlqim Fusha e mori si dhuratë këtë kontratë të skuqur nga shkeljet. Prandaj Open Data Albania i ka vendosur “Flamur të kuq” për riskun e korrupsionit me fondin limit: për zgjedhjen e ofertës më të shtrenjtë dhe mungesë konkurrence.
Biznesmeni Shkëlqim Fusha është përdorur nga qeveria dhe Bashkia Tiranë për të kryer shpesh herë afera korrupsioni përmes tenderave dhe koncesioneve.
Ndërsa më herët pronari është akuzuar nga opozita se ka lidhje me trafikantët.
“Shkëlqim Fusha, pronari i Fusha shpk dhe mik personal i Edi Ramës, është djali i xhaxhait të një trafikanti ndërkombëtar droge, Sulejman Fushës, i ri-kapur në Alikante të Spanjës për 75 kg heroinë, por ky fakt u mbajt i fshehur nga ministria e Brendshme.
Partia Demokratike nuk do të bënte kurrë përgjegjës dikë për veprimet antiligjore të një të afërmi të tij, por lidhjet e Fusha shpk me djalin e xhaxhait trafikant ndërkombëtar droge prej më shumë se 20 vjetësh, kanë një hallkë të fortë- ish kryeprokurorin e Tiranës Petrit Fusha”, thuhet në një deklaratë të PD 5 vite më parë.
Për këtë nuk u bënë hetime, por diçka është faktike që “Fusha” shpk është e favorizuar nga qeveria dhe e paprekshme nga drejtësia!
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post