Shkëlqim Fusha nuk ngopet me fonde, merr edhe 160 milionë lekë nga Veliaj për farëra dhe fidanë

Kryebashkiaku Erion Veliaj ka një lidhje tepër të ngushtë me biznesmenin Shkëlqim Fusha, të cilit i jep fonde nga të mundet.

Është Veliaj ai i cili i ka dhënë miliardat nga ndërtimi i Piramidës, Teatri, ndërtimi dhe menaxhimi i Sheshit Skënderbej mbi dhe në tokë. Kur nuk ka ndërtime e fit në patrime. Kur mbarojnë këto ka të tjera si blerja dhe shitjen e farërave dhe fidanëve.

Përmes Drejtorisë së Përgjithshme të Pastrimit dhe Gjelbërimit në Tiranë, Lali Eri ka zhvilluar një tjetër aferë korruptive.

Bëhet fjalë për tenderin me numër reference : REF-24481-10-14-2024 dhe me objekt “Furnitura veterinare, fidanë e të tjera produkte”. Në dokumente nuk përcaktohet se ku do të mbillen këto fara, por sipas drejtoreshës së DPPGJ, Liri Qoshi, do të nevojiten 160 milionë lekë (me TVSH). Ose më saktë kaq ka dashur Fusha dhe kaq është vendosur!

Për këtë prokurim kanë shfaqur interes për të marrë pjesë në garë 6 kompani, të cilat kanë dorëzuar ofertat e tyre pothuajse në të njëjtat vlera, por Qoshi e kishte marrë urdhrin nga lart se kush do të shpallej fituese.

Kështu shohim që pa asnjë argument ligjor të publikuar, 5 ofertat e tjera janë skualifikuar nga gara dhe kontratat i është dhënë firmës FUSHA shpk, në pronësi të Shkëlqim Fushës.

Kështu për 3 muaj, “Fusha” do të furnizojë bashkinë me farëra bari, fidanë trëndafilash, ciklaminë, me lule mëllagë dhe begonjë.

Vetëm për farërat e këtyre luleve do të shpenzohen 160 milionë lekë!

Ndërkohë do të shpenzohen edhe 4.3 milionë lekë të tjera për lotin 2 që ka si objekt “Plehra Kimike”, me afat të kontratës 3 (tre) muaj, me fond limit:  4.3 milionë lekë pa TVSH.

Për lotin 2 nuk ka dalë ende emri i fituesit, ndërsa nuk është çudi që t’i dhurohet Fushës meqenëse ka dëshirë të ndërhyjë e në këtë valle.

Kujtojmë se Kryetari Bashkisë Tiranë është vënë nën hetim pasuror për shkak të dyshimeve për korrupsion me detyrën.

©️Copyright Gijotina.com

Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.