Shkëlzen Berisha është deklaruar për mediat pas marrjes në pyetje nga GJKKO për çështjen e Gërdecit.
“Jua kam thënë dhe para një viti. Takimet kanë qenë në lidhje me natyrën personale, politike dhe lidhje të tjera. Jo për këtë çështje. Delijorgji përveçse ka qenë i përfshirë në këtë çështje, ka qenë sipërmarrës.
E kam njohur si sipërmarrës. Qartësia nga unë ka qenë që në fillim. Ky faks nuk është nisur nga adresa ime dhe as nuk kam bërë asnjë gjë të tillë. Bumçin dhe Mediun i kam pasur miq dhe para se të ishin në këtë post, dhe tani. Jam thirrur para 1 viti dhe për këtë çështje. Kam diskutuar për një çështje tjetër. I kam takuar para se të mbanin funksione të tilla dhe pasi i kishin dhe sot. Bisedat janë si ato që bëhen me miqtë, siç bëni dhe ju.”, tha ai.
Pyetje: A është hetuar Gërdeci siç duhet?
Tragjedia nëse është hetuar siç duhej, s’jam as gjyqtar dhe as prokuror. Por politizimi i kësaj çështje nuk e ka ndihmuar të vërtetën dhe hetimin. 71 dëshmitarë janë thirrur. Ata ndahen në 3 kategori. Asnjë nga ata aty nuk kanë lidhje me akuzën. Nuk kam asnjë lloj informacion që mund t’i shërbejë akuzës. Unë e konsideroj teatër politik. Në mëngjes niset djali dhe në drekë gjykohet babai. Nuk e di se kush e ka shkuar faksin. S’kam nisur asnjë.
“Ky vendim është grotesk. Kryetari i opozitës mbahet në arrest shtëpie pa të drejtë komunikimi, pa asnjë akuzë.
Ai është ndalur edhe në vendimin për masën e arrestit që pritet të merret ndaj Sali Berishës
Qëllimi politik është i qartë, përdorimi politik i Prokurorisë është i turpshëm. Masat e sigurisë për një lider opozite dhe pyetja që bëni deri tek familjarët e ngushtë është groteske. S’më takon mua si djalë që ta mbroj.
S’kam në plan të angazhohem në politikë”, tha Shkëlzen Berisha.
Discussion about this post