Studimet e fundit kanë hedhur dritë mbi dëshirat seksuale të çifteve, që nga komunikimi e deri tek detaje të tjera thelbësore të sjelljes në një marrëdhënie. CNN shkruan se dërgimi i fotove nudo ose teksteve seksuale është mënyra e re për të mbajtur shkëndijën e ndezur në marrëdhënien tuaj. Në këtë përfundim ka arritur studimi i hulumtuesit në Universitetin Drexel, të cilët anketuan 870 amerikanë të moshës nga 18 deri në 82 vjeç.
Ata zbuluan se 88% e të anketuarve kishin shkëmbyer mesazhe seksuale, dhe 82% e kishin bërë këtë para një viti. Studiuesit pyetën pjesëmarrësit në lidhje me kënaqësitë e tyre seksuale dhe rezultoi se shumica e njerëzve që praktikonin ‘sexting’, ishin më të lumtur dhe më të kënaqur seksualisht.
Personat që ishin në një lidhje, por jo “shumë serioze”, ishin më të lumtur me marrëdhëniet e tyre në tërësi kur i dërgonin njëri-tjetrit foto ose mesazhe seksi.
Njerëzit në marrëdhënie “shumë të përkushtuara” nuk kishin asnjë efekt nga sexting, ndoshta sepse ata i kanë parë të gjitha tashmë. Ndërsa burrat kanë më shumë gjasa të jenë më të kënaqur nga sexting.
Këto studime tregojnë se ka disa forma që duhen provuar në marrëdhëniet në çift dhe parë efekti i tyre, por megjithatë është zgjedhje e të dy partnerëve nëse duan apo jo të ngacmojnë njëri-tjetrin në distancë për të rritur adrenalinën dhe mbajtur gjallë pasionin.
