Trajneri i skuadrës së Dinamos, Bledi Shkëmbi ka theksuar se arbitri i ka mohuar një penallti kryeqytetasve. Ndër të tjera ai tha se nuk është i zhgënjyer nga barazimi.
“I falëm në fushë më shumë se ç’duhet kundërshtarit, duhet të shënonim golin e dytë të ishim me të qetë, i patëm rastet dhe nuk e bëmë.
Fillimi erdhi i tillë, nuk e kishim parashikuar, vuajtëm shumë në 20 minutat e para, po më pas minutat kaluan dhe u përmirësuam. Patëm momente të mira, futbolli është i tillë që rastet që të vijnë duhet t’i shënosh.
Nuk më pëlqen ë shohë pas ndeshjes, gabimet e arbitrave. Mesazhi më ka ardhur, ishte një penallti për ne, duhet të vazhdojmë për ndeshjen e radhës, kaq.
Në do të bëjmë një kampionat shumë të mirë, duke parë të gjithë komponentët nga investimet, organizimi, cilësia dhe si është punuar deri tani. Kemi shpresë se do të bëjmë kampionat shumë të mirë.
Jo jam i lodhur, kundër Laçit një barazim nuk është fundi i botës, por kur mendon minutën e fundit mërzitesh pak më shumë.”
