Njerëzit shpesh e neglizhojnë stërvitjen e muskujve të këmbëve, duke u fokusuar më shumë te pjesët e sipërme të trupit. Megjithatë, studime të fundit tregojnë se fuqia e këmbëve ka një ndikim të madh jo vetëm në jetëgjatësi, por edhe në shëndetin e trurit dhe parandalimin e sëmundjeve serioze.
Një nga studimet më të rëndësishme mbi këtë temë është Health ABC Study, i cili përfshiu më shumë se 3000 persona të moshës 70-79 vjeç gjatë një periudhe 16-vjeçare.
Rezultatet treguan se pjesëmarrësit me muskuj më të fortë të këmbëve kishin më pak rrezik për paaftësi fizike dhe vdekje të hershme.
Një tjetër studim me më shumë se 1200 të rritur mbi 55 vjeç zbuloi se forca e këmbëve ishte treguesi më i besueshëm për funksionalitetin fizik në pleqëri. Është interesante që masa totale e muskujve nuk lidhej me jetëgjatësinë, ndërsa muskujt e këmbëve po.
Një studim i publikuar në revistën Gerontology ndoqi 324 gra binjake për dhjetë vjet dhe zbuloi se ato me këmbë më të forta në fillim të studimit ruajtën funksion më të mirë kognitiv se motrat e tyre.
Studime të tjera mbi kafshët kanë treguar se ushtrimet me peshë ndikojnë në prodhimin e qelizave burimore nervore, të cilat ndihmojnë në parandalimin e çrregullimeve neurologjike si skleroza e shumëfishtë.
Aktivitetet që rrisin fuqinë e këmbëve si ecja, vrapi, noti dhe çiklizmi janë të rëndësishme.
Ja disa ushtrime të thjeshta që mund të përfshini në rutinën tuaj:
Squats: Përkuluni deri në një pozicion të ulur dhe ngrihuni ngadalë në pozicionin fillestar. Lunges: Vendosni njërën këmbë përpara, ulni gjurin e këmbës tjetër afër dyshemesë dhe kthehuni në pozicionin fillestar. Ngjitja e shkallëve: Ngjituni në një shkallë me njërën këmbë, pastaj bashkojeni këmbën tjetër dhe zbritni.
Discussion about this post