Tekniku i ashensorit në Astir, Dëfrim Shabani, do dalë sot para Gjykatës së Lartë, ku pritet të merret vendimi për të, pas ekspertizës së bërë nga ekspertët.
Shabani akuzohet për “neglizhencë në punë” pas shkëputjes që i ndodhi ashensorit në zonën e Astirit, ku mbetën të plagosura 2 gra.
Ai ka deklaruar paraprakisht se kishte shkuar dy ditë para ngjarës të kontrollonte ashensorin. Por sipas banorëve, kishte riparuar një defekt, por nuk i kishte bërë asnjë kontroll teknik ashensorit.
Ngjarja e rëndë ndodhi tre ditë më parë në zonën e Astirit në Tiranë, ku kavot u shkëputën rreth orës 00:05 duke lënë të plagosura dy gra, një prej tyre shtatzënë. Ngjarja e rëndë tronditi banorët të cilët për mediat janë shprehur se kanë ngecur dhe më parë në ashensor. Inspektorati Shtetëror i Mbikëqyrjes së Tregut, konfirmoi zyrtarisht përmes një njoftimi se ashensori i pallatit nuk rezulton i regjistruar dhe nuk ishte kolauduar prej kohësh. Madje kavot nuk ishin ndërruar që nga koha kur ashensori ishte montuar.
E.H/ gijotina.com/
