Policia e Shkodrës ka finalizuar operacionin e koduar “Ullishtja” ku në pranga katër persona si autorë të kultivimit të bimëve narkotike, ndërsa janë sekuestruar 35 kg kanabis dhe municion luftarak.
Sipas njoftimit të policisë, është arrestuar A.M, 51 vjeç, banues në Fshatin Mosel, Reç, pasi gjatë kontrollit në afërsi të banesës së tij janë gjetur të kultivuara 30 kilogramë cannabis sativa dhe një sasi fishekësh luftarak.
Gjithashtu, në pranga ka rënë Z.D., 60 vjeç, banues në fshatin Naraç, Bashkia Vau i Dejës, pasi në ullishten e tij u konstatuan të kultivuara një numër i konsiderueshëm bimësh narkotike cannabis sativa.
Po në kuadër të operacionit “Ullishtja” u bë kapja dhe arrestimi në flagrancë i shtetasve Z. N., 28 vjeç dhe Gj. N., 35 vjeç, pasi gjatë kontrollit të ushtruar në banesën e tyre, në fshatin Gimaj, policia gjeti dhe sekuestroi 5 kilogramë kanabis.
Materialet i kaluan Prokurorisë pranë Gjykatës së Shkallës Parë Shkodër për veprat penale “Kultivimi i bimëve narkotike”, “Prodhimi dhe shitja e narkotikëve” dhe “Mbajtja pa leje dhe prodhimi i armëve, armëve shpërthyese dhe i municionit”.
