Kjo është banesa në lagjen “Tophanë” Shkodër, që u përfshi nga flakët pak minuta më parë ku humbi jetën fatalisht një i moshuar me aftësi të kufizuara. Viktima është identifikuar si Musa Pajati 79 vjeç, i cili nuk mundi të dalë jashtë për të shpëtuar, në momentin që banesa është përfshirë nga flakët.
Ndërkohë e shoqja është dërguar në spital ku po merr ndihmë mjekësore për shkak të asfiksisë që ka pësuar. Gjithashtu mësohet se, çifti i të moshuarve jetonin të vetëm ndërsa ende nuk bëhet i ditur shkaku që ka sjellë rënien e flakëve.
Dëshmitarë të ngjarjes kanë qenë fqinjët të cilët kanë parë flakët. Nga sa mësohet ata kanë tentuar të ndërhyjnë me mjete rrethanore, por më pas kanë kërkuar ndihmë të specializuar.
Paraprakisht dyshohet se zjarri mund të jetë shkaktuar nga ndonjë shkëndijë elektrike ose ndonjë mjet të cilin i moshuari e përdorte për tu ngrohur.
Forcat zjarrfikëse kanë mbërritur tashmë dhe po punojnë për shuarjen e flakëve. A.L/ gijotina.com
Discussion about this post