Prej tre muajsh të paktën 30 punojnës të një fasonerie në Shkodër nuk janë paguar nga pronari i tyre dhe as nuk iu janë derdhur sigurimet shoqërore.
Mësohet se pronari i kompanisë në fjalë, më 13 shtator të këtij viti ka mbyllur biznesin duke hapur një tjetër biznes, por ende nuk ka paguar punëtorët.
Përballë kësaj situate, punojnësit janë detyruar të depozitojnë një kallëzim në prokurori, por as nga ky instuticion nuk kanë marrë një përgjigjie. Punojnësit kërkojnë pagat e prapambetura, si dhe tregojnë që kushtet nën të cilat kanë punuar janë në kundërshtim me ligjin.
“Kërkojmë vetëm paratë tona që na takojnë, nuk duam asgjë tjetër. Ne kemi punuar dhe nuk jemi paguar, madje nuk kemi marrë as ditët e pushimit që na takojnë me ligj dhe nuk janë paguar as sigurimet shoqërore e shëndetësore”, tha një prej punonjësve.
Punojnësit tregojnë se me ato të ardhura sigurojnë mbijetesën e tyre dhe familjes, ndaj kërkojnë që organet kompetente të reagojnë.
“Pronari na ka thënë se nuk do na japë asnjë rrogë pas kallëzimit që kemi bërë në prokurori.” – thonë punonjëset.
Discussion about this post