Dy trafikantë droge kanë rënë në pranga e policisë në Shkodër dhe një tjetër është shpallur në kërkim. Burime zyrtare nga policia bëjnë me dije se janë arrestuar personat e identifikuar me emrin Xhezair Zeqiraj, 20 vjeç dhe Andi Rrukaj, 22 vjeç, banues në Koplik ndërsa në kërkim është shpallur L.R.
Të njëjtat burime bëjnë me dije se personat në fjalë teksa udhëtonin me një mjet pa targa, posedonin lëndë narkotike kanabis.
Policia raporton se droga e ndarë në doza të vogla do të shitej në lokale dhe në afërsi të shkollave.
Pritet që të arrestuarit të përballen me akuzën për veprat penale “Prodhimi dhe shitja e narkotikëve”, kryer në bashkëpunim, “Mosbindja ndaj urdhrit të punonjësit të policisë së rendit publik” dhe “Pastrimi i produkteve të veprës penale ose veprimtarisë kriminale”.
Discussion about this post