Lulash Qepuri 74- vjeçari që u ekzekutua mbrëmjen e djeshme në Shkodër, dyshohet se jepte para me fajde, por ende nuk dihen detaje të tjera lidhur me aktivitetin e tij. Megjithatë hetimet kanë nisur dhe po vijojnë, pasi një nga pistat që po ndiqet është edhe ajo e arrestimit për drogë.
Nga raportimet e gijotina.com mësohet se në vendin ku u ekzekutua Qepuri ka qenë edhe i biri i tij, ku mësohet se ai i është kundërpërgjigjur autorit me shotgun. Ngjarja ka ndodhur rreth orës 22:00, ku pas telefonatës së djalit të 74-vjeçarit, blutë e Shkodrës janë vënë menjëherë në lëvizje. Në vendin e ngjarjes janë gjetur 26 gëzhoja.
Autori ka qenë i maskuar dhe pasi ka qëlluar në drejtim të 74-vjeçarit është larguar. Menjëherë pas ngjarjes, i biri ka telefonuar policinë dhe u ka thënë se i kanë vrarë babanë. Qepuri ka shkuar në spital në gjendje kritike për jetën, por nuk u ka mbijetuar dot plagëve të rënda që kishte marrë.
Nga hetimet rezulton se Qepuri u arrestua në vitin 2011, pasi gjatë kontrollit në shtëpinë dhe lokalin e tij në atë kohë i është gjetur drogë dhe kallashnikov. Konkretisht policia i ka sekuestruar në atë kohë 1 armë zjarri Automatik mod.56, 1 armë zjarri tip Revolver shtatëshe, 262 copë fishekë të modeleve të ndryshme, fitila zjarr përcjellës, 111 copë kapsolla detonatorë, si dhe një qese prej 55 gram me fara të bimëve narkotike kanabis sativa.
Discussion about this post