Në qarkun e Shkodrës vijojnë problemet e shkaktuara si pasojë e reshjeve të shiut. Aktualisht, sipas Emergjencave Civile në të gjithë qarkun janë 1400 hektarë tokë të përmbytura, ndërsa disa zona janë të bllokuara nga uji. Në këto kushte, është kërkuar ndihmë për ushqim për banorët dhe bagëtitë.
Njoftimi:
Situata në Bashkinë Shkodër, në orën 08:00 të datës 27.01.2023 paraqitët si më poshtë :
Niveli i lumit Drin (hidrometri ura e Bahçallëkut) shënon kuotën 6.30 ka rënie me 5 cm me orën 18:00 të datës 26.01.2023 ( kuota max 7.50 m )
Niveli i Liqenit ( hidrometri ura e Bunës) shënon 8.50 m ka rënie me 5 cm me orën 18:00 të datës 26.01.2023 ( kuota max 8.70 m ).
Sipërfaqja totalë e përmbytur në Bashkinë Shkodër është 1400 Ha.
Njësia Administrative Ana e Malit 1300 Ha e përmbytur.
Rruga e Obotit ka prezencë uji 85 cm.
Ujësjellësi Oblika 1 është jashtë funksionit.
Ka prezencë uji në oborre, stalla e garazhe në 110 banesa, e pandryshuar me orën 18:00 ( Obot 95 banesa, Muriqan ” Xhakaj, Kurtaliaj e Gallubë” 15 banesa).
Në rrugën e Obotit po operojnë 2 mjete të kalueshmërisë së lartë së bashku me 7 forca të ushtrisë.
Njësia Administrative Dajç 100 Ha tokë bujqësore .
Rruga Shirq-Darragjat është e pa kalueshme, ka prezencë uji në një lartësi 70 cm me rënie prej 10 cm.
Kërkohet :
– Pako ushqimore për banorët e bllokuar nga uji.
– Bazë ushqimore për blegtorinë.
-Çizme të gjata rreth 50- 60 palë për Obotin
Discussion about this post