Bashkia Shkodër ka hapur zyrtarisht këtë të diel sezonin turistik në plazhin e Velipojës. Në një aktivitet të ndërthurur me sporte të ndryshme, kryetari i Bashkisë Shkodër, Bardh Spahia uroi një sezon të mbarë.
Spahia tha se Shkodra ka resurse të jashtëzakonshme turistike dhe se është bërë e mundur përmirësimi i infrastrukturës rrugore, si edhe zgjerimi i hapësirave të gjelbra.
“Faleminderit që na jeni bashkuar në këtë festë për hapjen e sezonit turistik në Velipojën tonë të mrekullueshme. Dua ta falënderoj veçanërisht miqtë tanë nga Kosova, përfaqësuesit e Gjakovës dhe Ferizajit që na nderojnë sot me pjesëmarrjen e tyre në këtë hapje të sezonit turistik. Mirëserdhët në Velipojë, perlën e Adriatikut që na bën krenar që është pjesë e Shkodrës. Në Velipojë do të gjeni një det të jashtëzakonshme me ujë të kristaltë, me rërën me efekte kurative të jashtëzakonshme e cila pa dyshim kthehet vit për vit në një atraksion turistik të rëndësishëm për rajonin por edhe përtej. Do të mundohemi që ne do të përmirësojmë situatën për sa i përket infrastrukturës dhe ofrimin e shërbimeve. Këtë vit do të ndërhyjmë që të përmirësojmë infrastrukturën rrugore në disa rrugë të Velipojës dhe do të kthejmë hapësirat e gjelbra dhe të mbajmë pastër ambientin”, Spahia.
Discussion about this post