Shkoi për të vjedhur, 26-vjeçari hidhet nga ballkoni për t’i shpëtuar policisë

Një rast vjedhje është regjistruar në Vlorë, ku një 26-vjeçar është arrestuar nga policia.

Shtetasi G. Ç., 26 vjeç, banues në lagjen “Partizani”, Vlorë, gjatë orëve të mëngjesit të ditës së djeshme, ka hyrë në banesën e një shtetaseje dhe pasi ka vjedhur një aparat celular, ka tentuar të largohet pasi është pikasur prej saj.

Gjatë tentativës për t’u larguar, 26-vjeçari është hedhur nga ballkoni i banesës (për pasojë ka marrë dëmtime në trup), por nuk ka mundur të largohet pasi është kapur nga policia.

Nga hetimet dhe provat e grumbulluara dyshohet se shtetasi G. Ç. është autori i vjedhjes së një tjetër aparati celular, në lagjen “1 Maji”, më datë 02.08.2022.

Materialet iu referuan Prokurorisë, për veprime të mëtejshme.