Komisioni Qendror i Zgjedhjeve ka konfirmuar një prej dështimeve të Erjon Veliajt në 8 vitet e drejtimit te Bashkisë së Tiranës, duke pranuar se në zonën e Astirit, Unazës së Re dhe Yzberishtit, nuk ka asnjë çerdhe, kopsht apo shkollë publike, kjo sepse KQZ është detyruar të dërgojë atje, ku jetojnë më shumë se 70 mijë banorë, kapanonë që do të shërbejnë si qendra votimi.
Veliaj ka thënë se shkollat e çerdhet janë suksesi i tij më i madh, por në njësi si kjo qe jane më të mëdha se Berati, nuk ka një të vetme.
Institucionet arsimore janë zakonisht ato që kthehen në qendra votimi. KQZ është detyruar në këtë rast të improvizojë.
Belind Kelliçi e ka denoncuar këtë fakt, por Veliaj ka fajësuar gjithnjë të tjerët.
Llogaritet që së bashku me Liqenin e Thatë e Kodrën e Priftit, janë njësi që shkojnë në 160 mijë banorë pa një shkollë të vetme. Kjo ka sjellë shumë probleme, stres e pamundësi për familjet e 1/5 së popullsisë së Tiranës.
Këlliçi ka premtuar se me të në krye të Bashkisë do të ketë dyfishim të çerdheve, kopshteve, e shkollave, dhe nuk do të ketë asnjë njësi pa shkolla, çerdhe, apo kopshte.
Discussion about this post