Ka shkuar në katër numri i emigrantëve që janë rikthyer në Itali, pas mbërritjes mëngjesin e sotëm në kampin e Gjadrit në Shëngjin.
Bëhet me dije se dy prej tyre janë rikthyer në Itali, për shkak të gjendjes së tyre shëndetësore.
Kujtojmë se më herët drejt Italisë u nisën dhe dy të tjerë, pasi pas verifikimeve ata u panë që ishin të mitur, ndërsa gjithsej mbërritën 16 persona.
Sipas marrëveshjes mes shtetit shqiptar dhe atij italian në kampet në Shqipëri do të mbahen vetëm emigrantët meshkuj, ndërsa gratë dhe minorenët do të procedohen në qendrat e refugjatëve në Itali.
Kujtojme qe anija italiane me grupin e parë të emigrantëve arriti në portin e Shëngjinit mëngjesin e së mërkurës, duke shënuar fillimin e zbatimit të një plani të diskutueshëm për të përpunuar mijëra kërkesa për strehim jashtë Italisë.
Emigrantet iu nënshtruan menjëherë kontrolleve mjekësore, ndërsa u janë ofruar dhe veshje e ushqim.
gijotina.com/
Discussion about this post