Deputeti i PD, Edi Plaoka ka dalë sot në një deklaratë të fortë ndaj kryedemokratit, Lulzim Basha. dhe mbështetësve të tij. Përmes një postimi në rrjetin social Facebook, Paloka shkruan se në 31 vite të PD-së ai dhe kolegët e tjerë kanë fituar respektin dhe vlerësimin e simpatizantëve, kanë ruajtur demokracinë dhe nuk kanë zhgënjyer votuesit. Ndërsa thekson se këta tjerët, Basha dhe mbështetësit e tij, punojnë veten dhe po të jetë nevoja i kthejnë shpinën simpatizantëve të partisë.
“Ne 31 vite, me koleget dhe bashkëpunëtorët në PD kam mbajtur gjithnjë marrëdhënie korrekte. Gjithnjë kam vlerësuar ata që rrugën e tyre në politikë e kanë shtruar vetë, ndërkaq të katapultuarit në postet më të larta në parti, pa asnjë kontribut e merite, i kam parë gjithnjë si të përkohshëm që sapo t’iu heqësh lugën nga dora, kthejnë shpinën e shkojnë në punë të vetë”, shkruan ai.
Ndër të tjera, Paloka thotë se është e turpshme që ata persona të cilët nuk ja dinë vlerën e luftës që kanë bërë themeluesit e PD, t’iu thonë sot largohuni dhe formoni partinë tuaj. “Historia dhe përvoja e këtyre 31 viteve me ka dhënë plotësisht të drejtë. Megjithatë, siç e përmenda me lart, sa kemi qenë nën një çati ( se llogoret e luftës këta nuk i njohin) i kam respektuar. Nuk ma merrte mendja qe do vinte një dite , qe pikërisht këta të fundit, do më thonin mua po sidomos mijëra demokrateve që sakrifikojnë prej një jete në PD pa asnjë përfitim: “Shkoni bëni partinë tuaj !!!”Kjo është , siç thotë një shprehje, “Të të … breshka””, shkruan në postim Paloka.
Discussion about this post