Një banesë është përfshirë nga flakët këtë të hënë në Shkodër.
Sipas policisë mësohet se ngjarja ka ndodhur në lagjen Guerrile, ku ka rënë zjarr në banesën e shtetasit N. B. 36 vjeç, dhe banesa është djegur pothuajse plotësisht.
Njoftimi i Policisë:
Rreth orës 08:55, në lagjen “Guerrile” ka rënë zjarr në banesën e shtetasit N. B. 36 vjeç, dhe banesa është djegur pothuajse plotësisht. Në banesë, në momentin e rënies së zjarrit, nuk ka patur njerëz.
Dyshohet se zjarri ka rënë për shkak të një shkëndije elektrike.
Grupi hetimor ndodhet në vendngjarje dhe vijon punën për përcaktimin e shkakut të rënies së zjarrit.
Discussion about this post