Një automjet tip Mercedez është përfshirë nga flakët pasditen e sotme në aksin Levan-Tepelenë, pranë fshatit Fratar.
Nga të dhënat e para mësohet se automjeti u përfshi nga flakët për shkak të një defekti teknik.
Fatmirësisht drejtuesi i mjetit, që udhëtonte bashkë me familjen, sapo ka pikasur tymin të dilte nga pjesa e përparme e automjetit, ka ndaluar ndërsa të gjithë personat kanë zbritur në kohë, duke mos pësuar dëmtime.
Në vendin e ngjarjes kanë shkuar zjarrfikëset nga Mallakastra që kanë bërë të mundur shuarjen e flakëve, megjithëse automjeti ishte shkrumbuar plotësisht.
Discussion about this post