Pasi festuan ditëlindjes e 52-të në Saint- Tropez gjatë fundjavës, Jennifer Lopez dhe Ben Affleck kanë mbërritur sot në Capri, të Italisë. Dailymail shkruan se Jennifer i ka shpëtuar përballjes me ish të fejuarin Alex Rodriguez, i cili ndodhej në Mesdhe.
Alex Rodriguez është parë duke festuar ditëlindjen e tij në Mesdhe me jahtin e marrë me qera ‘Ocean Paradise’, teksa Jennifer Lopez dhe Ben Affleck kanë mbërritur në Capri. Ish i fejuari i këngëtares, Rodrigez shoqërohej nga prezantuesja amerikane Melanie Collins.
Dyshja mesa duket kanë filluar një turne pushimesh dhe duken të lumtur në shoqërinë e njëri-tjetrit, teksa shëtisnin në Capri të kapur përdore. Jennifer duket mbreslënëse me kompletet e bardha, ndërsa Affleck mbante të veshur bluzë dhe pantallona ngjyrë blu.
