Shoferët e autobusëve në Vlorë tentojnë të futen me forcë në mbledhjen e Këshillit Bashkiak

Tensione janë regjistruar këtë të martë në dyert e sallës ku mbahet Këshilli Bashkiak në Vlorë, kur përfaqësuesit e transportit urban kanë tentuar të futen brenda mbledhjes.

Ata kanë debatuar me efektivët e policisë të cilët nuk i kanë lejuar të hyjnë në mbledhje.

Përfaqësuesit kërkojnë të jenë të pranishëm gjatë mbledhjes për të shpalosur kërkesat e tyre lidhur me transportin urban.

Ata kërkojnë takim me kryetaren e bashkisë për problemin që kanë ngritur dje, konkurrenca e paligjshme.

Përveç konkurrencës nga furgonat e palicencuar, një kërkesë tjetër është moslargimi nga vendi ku ata qëndronin përherë.

Sipas tyre, stacioni do të jetë tashmë në afërsi të institucionit të paraburgimit, gjë që bën që udhëtarët të mos vijnë dot për shkak të largësisë.