“Shoferët e transportit publik janë kërcënuar për…”, demokrati zbulon pengesat e protestuesve

Sot në Tiranë, në orën 19:00 do të zhvillohet protesta e thirrur nga kreu i PD-së, Sali Berisha. Por demokratët që kanë konfirmuar pjesëmarrjen në demostratë mësohet të kenë hasur pengesën e parë.

Kryetari i PD të Korçës Devis Osmani  ka zbuluar se protestuesit që do të marrin pjesë në marshimin e opozitës janë të detyruar të udhëtojnë me mjete private.

Sipas kreut të PD lokale, ndryshe nga protestat e tjera, këtë herë udhëtimi nuk do të bëhet me autobusë por me mjete private, për shkak se shoqëritë e transporteve janë venë nën presion për penalitete deri në heqje liçence, nëse do të transportojnë protestues ditën e tubimit të thirrur nga PD. Nga dega e PS-së në Korçë pritet të nisen rreth  580 persona.