Këngëtarja Linda Halimi ka shokuar me deklaratën e saj për artistin, Blero Muharremi, të cilin e akuzoi për ngacmim seksual.
Pasi dyshja filluan të debatonin me njëri-tjetrin, këngëtarja shpreh dëshirën për të treguar një ngjarje që ka ndodhur jashtë kësaj shtëpie.
Linda Halimi ka rrëfyer se me këngëtarin është njohur kur ai ishte i martuar me moderatoren, Teuta Krasniqi dhe ky i fundit i ka ofruar të shkojnë bashkë në dhomën e hotelit ku ajo ishte akomoduar.
Sipas këngëtares në kohën kur ajo punonte me ish-bashkëshorten e tij, Tetuta Krasniqi, para 13 vitesh Blero pasi e ka sjellë tek hoteli që këngëtarja qëndonte i ka kërkuar asaj që të shkonte me të tek dhoma e saj dhe të pinin nga një gotë verë.
“Kur kam punuar në emisionin e Teuta Krasniqit, para 13 vjete, Blero më ka sjellë te hoteli ku rrija, pas xhirimeve, dhe insistoi si burrë i martuar, meqë po flet për martesën time, të vijë lart te dhoma e hotelit me mua, e mban mend shumë mirë ti, më ke thënë, a mundemi të pimë nga një gotë verë e të rrimë te dhoma e hotelit. Është shumë e vërtetë betohem në zot” – tha Linda.
Ajo bëri deklaratën pas nxjerrjes së një video nga produksioni gjatë spektaklit ku Linda Halimi i shprehej banorëve të tjerë se Blero është arrogant dhe se e njihte prej shumë vitesh.
“Blero ka egon, arrogancën. Është deluzional pafund e njoh para 12-13 viteve. Ka qejf të bëjë shaka, por e tejkalon limitin”, tha Linda Halimi.
Por këngëtari iu drejtua duke thënë se duhet t’i vijë turp që flet kështu pasi është edhe e martuar.
“Një grua e martuar, është turp të flasë kështu”– tha Blero.
Kjo ka nxitur edhe më shumë debatin e tyre, ndërsa këngëtarja tregoi se Blero ka shkuar me të brendshme pranë shtratit të saj me Ganinë, ku ua ka larguar mikrofonat të dyve dhe u ka thënë atyre që të rrinë dhe të flejnë me të.
“Ka ardhur një natë në shtrat me mua dhe Ganinë me të brendshme (nëse mundem të shprehem kështu). Edhe ka thënë ‘nuk guxon askush të të flas sepse unë jam këtu’. Unë t’i heqi bateritë, hajde ne flasim, rrimë e flejmë këtu”, tha ajo, po një gjë e tillë është mohuar nga artisti duke pyetur produksionin: “A keni kamera këtu?”
Discussion about this post