Kreu i shoqatës së prodhuesve dhe eksportuesve, Alban Zusi është shprehur se prodhuesit vendas e kundërshtojnë paketën fiskale dhe kërkojnë rishikim të saj. Ai theksoi se miratimi i paketës fiskale do të sjellë rritje të çmimeve me të paktën 15% që nga 1 janari.
Më tej ai thotë se rritja e taksave për prodhuesit në kohë krize është e papërballueshme.
Ndërkohë fasonët e vlerësojnë paketën fiskale si qesharake dhe pa asnjë mbështetje për këtë sektor, i cili ka numrin më të madh të punësuarve në vend. Ata kërkojnë subvencionim për të ndryshuar makineritë dhe për t’u përshtatur me kërkesat e tregut.
Heqja e rimbursimit të TVSH-së prej 6% për fermerët është një ndër ndryshimet më të kritikuara të paketës fiskale po ashtu edhe vendosja e akcizës për gazin për konsum.
Discussion about this post