Një ditë pasi shoqata më e vjetër e diasporës, “Vatra” e propozoi si President, ka reaguar Dritan Demiraj. Në një reagim në Facebook, Demiraj shprehet shumë i nderuar për këtë propozim, dhe se do të ishte shumë i gatshëm që të mbante postin e presidentit.
“Ndjehem i nderuar dhe shumë mirënjohës ndaj propozimit të z. Elmi Berisha kryetar i Federatës Pan-Shqiptare ‘VATRA’, organizata më e vjetër dhe më e nderuar në SHBA e Shqiptarëve të diasporës, për të qenë kandidat i diasporës për President të Republikës së Shqipërisë. E vlerësoj pa masë këtë propozim dhe shpreh përkushtimin maksimal ndaj kësaj detyre kaq të lartë dhe me përgjegjësi në rast se do të votëbesohem nga Parlamenti i Republikës së Shqipërisë. Parlamenti i Shqipërisë, grupet e saj parlamentare, të gjithë deputetët janë përfaqësuesit e sovranit dhe shpresoj se do ta gjejnë gjuhën e përbashkët për ti dhënë Shqipërisë një kryetar shteti garant të Kushtetutës, mbrojtës të vlerave demokratike dhe simbol të unitetit Kombëtar brenda dhe jashtë trojeve tona”, është shprehur Demirarj.
Ndër të tjera, ai shkruan se është përpjekur maksimalisht ti shërbej vetëm interesave Kombëtare, me shembullin personal, korrektësi dhe pastërti në çdo detyrë që i është besuar dhe shprehët mëse i gatshëm të mbajë mbi supe dhe peshën e Presidentit të Republikës.
Dritan Demiraj ka qenë ish-ministër i Brendshëm brenda qeverisë Rama, si propozim i demokratëve për të shmangur vjedhjen e zgjedhjeve të 2017-s, të cilat u humbën nga opozita.
Discussion about this post