Përfaqësuesi ligjor në PD, Marash Logu në një intervistë në Ora News u shpreh se ishte ai që e shoqëroi Salianjin në burgun e Fierit dhe se u shpreh se Salianji ishte i qetë.
Gjithashtu Logu shtoi se Salianji mbahet pa faj në burg dhe se në fillim duhej të ishte mbledhur këshilli i rregullores dhe mandateve dhe pastaj të bëhej ekzekutimi i vendimit.
Logu: Unë e kam shoqëruar ditën e djeshme zotin Salianji në momentin që janë kryer procedurat e dorëzimit në polici.
Më pas edhe gjatë dërgimit të tij në burgun e Fierit kam parë që gjatë gjithë kohës ka qenë i qetë
Shumë i vendosur dhe i motivuar për të vijuar qoftë betejën juridike me të gjitha mjetet që ka në dispozicion dhe që parashikon ligjin por edhe betejën politike të cilën sigurisht për shkak të kufizimit të lirisë do duhet që të zhvillohet në një mënyrë tjetër, por nuk kam parë në asnjë moment shenja dobësie apo shenja tërheqjeje në atë që ai e ka konsideruar betejë shumë të rëndësishme.
Sigurisht që mund ta them që edhe nga ana e policisë dhe e drejtorisë së burgjeve ka pasur një sjellje krejt korrekte edhe për shkak mund të themi të profilit të Salianjit.
Por edhe vetë Salianji ka qenë i qetë dhe ka respektuar të gjitha procedurat ligjore.
Në vlerësimin tim do duhej që përpara se ndaj Salianjit të mund të ekzekutohej vendimi penal i formës së prerë, pra vendimi gjykatës së Apelit, së pari këshilli i Rregullores dhe Mandateve të mblidhej për të konstatuar fillimisht të themi mbarimin e mandatit.
Ekzekutimi i vendimit penal për Salianjin pa u ndjekur kjo procedurë ishte në kundërshtim me Kushtetutën dhe rregulloren e Parlamentit.
Që dje në mëngjes grupi parlamentar i PD ka dorëzuar një kërkse që kërkonte pikërisht këtë gjë kryetares së parlamentit që të mblidhte me urgjencë këshillin e rregullores dhe mandateve pasi ishim gjendur në këtë situatë.
Në mënyrë krejt të pajustifikuar, jo vetëm nuk u mblodh këshilli por ne nuk kemi as dhe një përgjigje me shkrim nga ana e Kuvendit.
Discussion about this post