Sot, nga ora 12:00 në Nyon të Zvicrës është hedhur shorti për ndeshjet e fazës së 1/8-tës në Ligën e Evropës.
Mbrëmë u zhvilluan ndeshjet kthyese të fazës ‘play-off’ për 1/8-tën e Ligës së Evropës dhe tetë ekipe iu bashkuan tetë të tjerave të kualifikuara direkt.
Milani, Benfica, Freiburgu, Marseille, Qarabagu, Roma, Sporting Lisbona dhe Sparta Praga iu bashkuan Atalantas, Brightonit, Leverkusenit, Liverpoolit, Rangersit, Slavia Pragës, Villarrealit dhe West Hamit.
Të gjitha këto ekipe të mëdha dhe të njohura evropiane tashmë kanë mësuar se me kë do të ndeshen në fazën e 1/8-tës.
Shorti i hedhur sot në Nyon ka bërë që të ketë shumë ndeshje interesante në fazën e ardhshme të Ligës së Evropës.
Megjithatë, ndeshet më interesante padyshim se pritet të jenë ato në mes të Romës dhe Brigtonit dhe Marseille-Villarreal.
Takime të forta do të jenë edhe ato në mes të Sparta Praga-Liverpool, Sporting Lisbona-Atalanta.
Ndeshjet tjera të kësaj faze janë: Benfica-Rangers, Freiburg-West Ham, Milan-Slavia Praga dhe Qarabag-Leverkusen.
Të gjitha çiftet e 1/8-tës në Ligën e Evropës:
Sparta Praga – Liverpool
Marseille – Villarreal
Roma – Brighton
Benfica – Rangers
Freiburg – West Ham United
Sporting Lisbona – Atalanta
Milan – Slavia Praha
Qarabag – Bayer Leverkusen
Discussion about this post