Trajneri i Serbisë, Dragan Stojkoviç komentoi shortin e kualifikueseve të Kupës së Botës 2026. Serbët do jenë së bashku me Shqipërinë, Anglinë, Letoninë dhe Andorrën në Grupin K.
Përballja Shqipëri – Serbi është më shumë se një ndeshje futbolli për shkak të historisë mes popujve, por trajneri Dragan Stojkoviç shprehet i lumtur që do luajë në Tiranë dhe siguron se asgjë jashtë futbollit nuk do vijë nga ta.
“Një grup shumë sfidues. Shqiptarët kanë treguar përmirësim në lojën e tyre së fundmi dhe sigurisht që do të jenë një kundërshtar i vështirë. Jam i lumtur që do të luajmë në Tiranë në stadiumin e bukur ku u luajt edhe finalja e Conference League. Jam i vetëdijshëm se dy duelet do të jenë interesante për disa arsye të tjera. Për sa na përket neve, nuk vihet në dyshim asgjë që nuk ka lidhje me futbollin. Ekskluzivisht një histori sportive, një sfidë e madhe dhe një mundësi për dy paraqitje cilësore futbollistike”, tha Stojkoviç.
Kundër Serbisë, kombëtarja shqiptare ka luajtur në dy raste. Fitorja 0-3 e tanëve në tavolinë në 14 tetorin e 2014 dhe humbja 0-2 në datën 8 tetor 2015 në “Elbasan Arena”.
Discussion about this post