Lufta në Ukrainë, e cila pasoi me sanksione të vendosura ndaj Rusisë prej Perëndimit si edhe të qeverisë së Putinit ndaj shteteve të tjera kanë pasur një ndikim tepër të madh për sa i përket lirisë së lëvizjes në botë.
Ditën e sotme, CNN ka publikuar indeksin mbi lirinë e lëvizjes të nxjerrë nga kompania me bazë në Londër Henley & Partners e cila ka monitoruar rregullisht pasaportat më të përshtatshme për udhëtime në botë që prej vitit 2006.
Kompania Henley & Partners ka vënë në dukje se pasaporta më shumë e ndëshkuar aktualisht është ajo e shtetit të Rusisë për shkak të sanksioneve të Perëndimit, ndërsa nga ana tjetër nuk ka ndonjë ndryshim të madh për sa i përket kreut të listës për pasaportat më të fuqishme në botë.
Nga ana tjetër, bëhet me dije sipas kompanisë në fjalë se, pasaportat më të fuqishme janë ato të Japonisë dhe Singaporit, me të cilat mund të udhëtohet pa vizë në 192 destinacione të botës. Lista më pas vijon me Finlandën, Italinë, Luksemburgun, Austrinë, Danimarkën, Holandën dhe Suedinë.
Por, gjithashtu është bërë ndarja edhe për pasaportat më të dënuara, ku shteti më i ndëshkuar është Afganistani, me pasaportën e të cilit mund të udhëtosh pa vizë vetëm në 26 shtete. Më pas vjen Iraku me 28 shtete, Siria me 29 shtete, Pakistani me 31 shtete, Jemeni me 33 shtete, Somalia me 34 shtete, Palestina me 37 dhe Koreja e Veriut me 39 shtete.
Ndërkohë, së fundmi por jo nga rëndësia Shqipëria renditet në vendin e 51 me 114 destinacione, Kosova renditet në vendin e 77, ndërsa Serbia dhe Maqedonia e Veriut janë para nesh me respektivisht në vendin e 37 dhe 44 shteteve.
Discussion about this post