Shpallet në kërkim policor kampioni i xhudos

Policia e Kosovës ka shpallur në kërkim Akil Gjakovën, kampionin e xhudos.

Akil Gjakova dhe gruaja e tij janë në një proces divorci, ndërsa para disa ditësh ai është denoncuar nga bashkëshortja për dhunë.

Gjakova nuk është paraqitur në Polici, duke bërë që këta të fundit të kërkojnë ndihmën e qytetarëve për lokalizimin e tij.

Gjakova është fitues i medaljes së artë në Lojërat Mesdhetare dhe në Kampionatin Evropian të Xhudos.

Në vitin 2021, ai fitoi medaljen e artë në peshën 73 kg për meshkuj në Kampionatin Evropian të Xhudos që u mbajt në Lisbonë të Portugalisë, ndërsa u rendit i shtati në Lojërt Olimpike të vitit 2020.