Kompania call-center “Albacall” ka vendosur që në fund të këtij viti të shkurtojë stafin, duke pushuar rreth 540 punonjës. Sipas Ina Muçostepja, administratorja e kësaj kompanie, arsyeja e kësaj mase ekstreme është pamundësia financiare e kompanisë për të paguar punonjësit, ndaj nga janari i këtij viti ky subjekt do të operojë me 540 punonjës më pak. Ina Muçostepa Muçostepa është njëkohësisht edhe kryetare e Bashkimit të Dhomave të Industrisë dhe Tregtisë, ndërsa në korrik të vitit 2019 u riemëruar me një mandat tjetër 4-vjeçar po në këtë pozicion.
“Aktualisht, kompania Albacall po ndeshet me volume tepër të ulta pune, për shkak të humbjes së klientëve ose/dhe uljes së numrit të orëve të punës për klientë e tjerë. Për pasojë, në kushtet kur ka të ardhura shumë të ulta, ndërsa kostot fikse mbeten të larta, këto rrethana kanë çuar në një situatë financiare të papërballueshme për shoqërinë”, është shprehur Muçostepja.
Kjo kompani operon në Shqipëri që nga viti 2009, ndërsa është në pronësi të shoqërisë italiane “Abramo Costumer Care”, e cila ka filiale të ngjashme në disa vende të botës.
Ndonëse ka shkurtuar stafin për pamundësi financiare kompania në fjalë rezulton se kompania ka arritur të fitojë mbi 90 milionë lekë të reja ose rreth 800 mijë euro, por këto fitime ka vendosur t’i përkthejë në investime.
Discussion about this post