Gjatë orëve të para të datës 13 maj 2023, në Pogradec ka nisur shpërndarja e materialeve zgjedhore, në kuadër të zgjedhjeve lokale që do të zhvillohen ditën e dielë.
Në 106 Qendrat e Votimit në Pogradec janë duke u bërë përgatitjet e fundit përpara ditës “X”. Puna ka nisur me qendrat e votimit në fshatra, dhe pasdite do të punohet me qytetin.
Pritet që procesi të ketë përfunduar në orën 19:00. Sipas kryetarit të KZAZ, procesi po ecën pa probleme.
Kryetari i KZAZ Pogradec, Kleonard Krasta ka thënë se ka mungesë me përfaqësues të komisionerëve nga ana e “Bashkë Fitojmë” në disa qendra votimi në qytet, por kjo nuk e pengon nesër nisjen e procesit të votimit në QV.
Discussion about this post