Shpërndanin drogë në kryeqytet, Gjykata lë në burg 20 të ndaluarit

Në kuadër të operacionit “Tempulli 3”, Gjykata e Tiranës ka lënë në masën e arrestit me burg 20 të ndaluarit.

Mësohet se grupi, sipas hetimeve të policisë dhe Prokurorisë, ka rezultuar se shpërndanin lëndë narkotike në zona të ndryshme të kryeqytetit.

Ndërsa, në kërkim deri më tani janë shpallur 10 persona të tjerë.

Këta persona, shpërndanin kokainë, heroinë dhe kanabis në lokalet e natës, afër shkollave si dhe zona të tjera të frekuentuara nga të rinjtë.

Agjentët sekuestruan 3.5 kg kokainë, 50 doza heroine ,100 doza kanabis, 27 telefona celular si dhe 5 automjete.

Antidroga e Tiranës arriti të zbulojë 35 persona pjesë të grupit që siguronte lëndë narkotike dhe e shiste në kryeqytet, duke nisur kështu fazën e radhës të operacionit të koduar “Tempulli 3”.

Nga 35 urdhër-arreste, 25 u arrestuan, 5 prej të cilëve të kapur më herët, të cilëve iu komunikua masë e dytë sigurie brenda qelive të paraburgimit dhe 10 të tjerë u shpallën në kërkim.

Tre persona punonin si operatorë në një dhomë në Laprakë ku përmes një numri celulari merrnin porositë. E ngjashme me call centerin dhe linja ishte e hapur 24 orë.

Pas porosisë malli mbërrinte te konsumatori përmes shoferëve të taksive, të cilët i shfrytëzonin ato jo vetëm për transport udhëtarësh, por edhe droge.

Në mesin e të arrestuarve janë të paktën 3 taksistë.

Pesë të arrestuarit më herët janë pjesë e grupit të Enea Sulejmanit, kryetarit të Shoqatës së Transportit Ndërqytetës arrestuar mbrëmjen e 21 marsit pas tentativës për t’iu larguar agjentëve të Antidrogës duke i shtypur me makinë në “Rrugën e Kavajës”

Të arrestuarit janë:

Rei Ramushi, Emiljano Birja, Abdullah Zyberi, Albjo Shkira, Kevin Nazari, Amarildo Jashari, Florjan Çepa, Ibez Zebi, Florjan Miha, Erol Bardhoshi, Andrin Bajraktari, Emiljano Maksutaj, Hamza Firi, Albi Bulku, Maringlen Kolaj, Armando Disha, Klodjan Lena, Altmir Mustafaraj, Gentjan Agaj, Flori Lime

Ndërsa iu është komunikuar masa e sigurisë “arrest me burg” 5 të tjerëve që ndodheshin në qeli: Envis Gorellari, Fatjon Çiçi, Enea Sulejmani, Igli Begaj, Shkëlqim Ostreni.