Shpërndanin kanabis, arrestohen tre të rinj në Tiranë

Policia e Tiranës ka goditur dy raste të shpërndarjes së lëndëve narkotike në doza dhe si rezultat ka arrestuar tre persona.

“Shërbimet e Policisë gjatë kontrolleve fizike të këtyre shtetasve iu kanë gjetur dhe sekuestruar sasi me lëndë të dyshuar narkotike kanabis, një pjesë e ndarë në doza, gati për shitje. Nga verifikimet e kryera ka rezultuar se këta shtetas e shpërndanin lëndën narkotike në disa lagje të ndryshme të Tiranës.” – thuhet në njoftimin e bluve të kryeqytetit.

Materialet proceduriale i kaluan Prokurorisë së Tiranës për veprime të mëtejshme.