Policia e Tiranës ka arrestuar 6 persona, pasi akuzohen se kanë shpërndarë lëndë narkotike. Të arrestuarit janë D. Xh., 38 vjeç, A. S., 30 vjeç, D. (A). B., 44 vjeç, F. D., 22 vjeç dhe S. B., 24 vjeç, të pestë banues në Tiranë dhe O. H., 23 vjeç, banues në Fier.
Bazuar në informacionet e marra në rrugë operative se këta persona shpërndanin lëndë narkotike në sasi të vogla, në zona të ndryshme të Tiranës, policia ka organizuar punën me qëllim kapjen e tyre.
Gjatë kontrolleve fizike ndaj tyre, në vende të ndryshme, policia u gjeti dhe sekuestroi në cilësinë e provës materiale, sasi lënde të dyshuara narkotike, të llojit kokainë dhe cannabis sativa, të ndara në doza.
Discussion about this post