Një 40-vjeçar që shiste doza të lëndëve narkotike në Himarë është arrestuar nga policia.
Në pranga ra Ardian Ajdini, 40 vjeç, banues në Gjermani, i cili gjatë momentit që po ndiqej nga policia ka kryer manovra të rrezikshme me automjet për shkak të gjendjes së dehur.
Pas ndalimit nga Policia dhe kryerjes së testit të alkoolit, rezultoi se ky shtetas ishte në gjendje të dehur. Gjithashtu, gjatë kontrollit fizik, shërbimet e Policisë i kanë gjetur këtij shtetasi, doza të lëndëve narkotike MDMA dhe kanabis.
Në pranga ra edhe Arben Meqemeja 50 vjeç, banues në Tiranë, pasi i siguronte lëndët narkotike 40-vjeçarit.
Sasitë e lëndëve narkotike u sekuestruan në cilësinë e provës materiale, bashkë me automjetin e shtetasit A. A. dhe 2 aparate celulare.
Njoftimi nga Policia
Himarë/Vijojnë operacionet për goditjen e veprimtarisë kriminale të shpërndarjes së dozave të lëndëve narkotike.
Finalizohet nga Seksioni për Hetimin e Narkotikëve të DVP Vlorë, në bashkëpunim me Komisariatin e Policisë Himarë, bazuar në informacionet e siguruara nga inteligjenca policore, operacioni policor i koduar “Parts 20”.
Vihet në pranga një 40-vjeçar që shiste doza të lëndëve narkotike MDMA dhe kanabis, në qytetin e Himarës. Gjatë ndjekjes nga Policia, ky shtetas është bërë burim aksidenti, duke kryer manovra me automjetin që e drejtonte në gjendje të dehur.
Vihet në pranga një shtetas tjetër, i cili dyshohet se i siguronte lëndën narkotike 40-vjeçarit.
Sekuestrohen doza MDMA, 280 doza kanabis, 2 aparate celulare dhe 1 automjet.
Seksioni për Hetimin e Narkotikëve, në bashkëpunim me Komisariatin e Policisë Himarë, në vijim të punës për goditjen e veprimtarisë kriminale në fushën e narkotikëve, ka organizuar dhe finalizuar operacionin policor të koduar “Parts 20”, si rezultat i të cilit u arrestuan në flagrancë shtetasit:
-A. A., 40 vjeç, banues në Gjermani, për veprat penale “Prodhimi dhe shitja e narkotikëve” dhe “Drejtimi i automjeteve në mënyrë të parregullt”;
-A. M. 50 vjeç, banues në Tiranë, për veprën penale “Prodhimi dhe shitja e narkotikëve”.
Shërbimet e Policisë, bazuar në informacionet e siguruara nga inteligjenca policore, për një shtetas që shiste doza me lëndë narkotike në qytetin e Himarës, janë vënë në ndjekje të tij. Gjatë ndjekjes, në Potam, shtetasi A. A. ka kryer manovra me automjet duke u kthyer në burim aksidenti. Pas ndalimit nga Policia dhe kryerjes së testit të alkoolit, rezultoi se ky shtetas ishte në gjendje të dehur. Gjithashtu, gjatë kontrollit fizik, shërbimet e Policisë i kanë gjetur këtij shtetasi, doza të lëndëve narkotike MDMA dhe kanabis.
Nga veprimet hetimore dyshohet se ky shtetas, lëndët narkotike i siguronte nga shtetasi A. M., në banesën e të cilit, Policia gjeti një sasi tjetër lënde të dyshuar narkotike kanabis të ndarë në doza.
Sasitë e lëndëve narkotike u sekuestruan në cilësinë e provës materiale, bashkë me automjetin e shtetasit A. A. dhe 2 aparate celulare.
Materialet procedurale i kaluan Prokurorisë, për veprime të mëtejshme.
Discussion about this post