Arbana Osmani është dashuruar me Shtetet e Bashkuara të Amerikës dhe pse jo mund të shpërngulet atje në një të ardhme të largët.
Moderatorja dhe partneri i saj Eduart Grishaj prej ditësh ndodhen në kontinentin amerikan ku kanë vizituar vende të ndryshme. Në një udhëtim vetëm me njëri-tjetrin, dyshja kanë ndarë në rrjetet e tyre sociale foto dhe video të ndryshme nga vizitat e tyre dhe ditëlindja e përbashkët në datën 7 maj.
Ndërkohë ajo që ka marrë vëmendje së fundmi ka qenë një postim i Arbanës në Kaliforni. Krahas postimit të saj moderatorja e njohur ka etiketuar bashkëshortin e saj Eduartin, dhe ka shkruar se dëshiron të shpërngulet në atë vend.
“Le të shpërngulemi këtu!”
Kjo mund të jetë një formë e saj për të treguar se i ka pëlqyer shumë Kalifornia, por edhe një mundësi që në të ardhmen ata të shpërngulen atje.
Aktualisht çifti i njohur i showbizit shqiptar po i dedikohen njëri-tjetrit. Ata janë në pritje të fëmijës së tyre të dytë. Ndonëse moderatorja është në tremujorin e dytë të shtatzënisë deri tani nuk e ka zbuluar gjininë e fëmijës që po presin por në media aludohet se do bëhen me vajzë.
Në 2020 ata mirëpritën në jetë djalin e tyre të quajtur Diell. Teksa Arbana ka edhe një djalë më të madh nga martesa e saj e parë. Sa i përket planeve për tu rikthyer në ekran, prezantuesja ka treguar se nuk ka asnjë plan dhe se do e shohim vetëm në fund të dhjetorit kur pritet të fillojë sezoni i dytë i “Big Brother VIP 2”.
Discussion about this post