Shpërthen bombola e gazit në Librazhd, plagoset 63 vjeçari

Një bombol gazi ka shpërthyer në Librazhd duke lënë të plagosur një 63 vjeçar.

Sipas informacioneve mësohet se ngjarja ka ndodhur në banesën që banonte Safet Qarri, 63 vjeç, mëngjesin e kësaj të marte.

Ngjarja ka ndodhur në momentin kur 63 vjeçari ka qenë duke gatuar.

Ndërkohë, për shkak të plagëve të marra Qarri është nisur drejt spitalit të djegieve në Tiranë.

Qarri për shumë vite ka shërbyer në repartin e zjarrfikëses Librazhd dhe Policinë e Shtetit, ndërsa prej disa vitesh ishte pa punë dhe i ishte përkushtuar biznesit privat.