Shpërthen bombola e gazit në Patos, plagosen 3 persona

Pak çaste më parë, ka shpërthyer një bombol gazi në Grizë të Patosit, në një banesë private.

Sipas burimeve, 3 të plagosurit që ndodheshin në banesë në momentin e shpërthimit janë dërguar me urgjencë në spitalin Rajonal të Fierit.

Bëhet fjalë për shtetasit Fatmir Saliaj, Ylvie Salia  dhe Daniela Shpërdheja, çifti i bashkëshortëve dhe vajza e tyre.

NJOFTIMI I POLICISE
Rreth orës 09:15, dyshohet se për shkak të rrjedhjes së gazit nga një bombul gatimi, ka rënë zjarr në banesën e shtetasit F. S., 69 vjeç, në lagjen “Grizë”, Patos.

Si pasojë, ka pësuar djegie trupore shtetasi F. S., shtetasja Y. S., 67 vjeçe dhe shtetasja D. Sh, 40 vjeçe, të cilët ndodhen në spital për ndihmë mjekësore. Grupi hetimor ndodhet në vendngjarje dhe po punon për sqarimin e rrethanave të ngjarjes.