Një bombol gazi ka shpërthyer mëngjesin e sotëm në Velipojë në një banesë.
Zjarri ka shkaktuar dëme të mëdha materiale, teksa janë lënduar edhe pjestarët e familjes. Mesohet se, zjarri ka rënë në familjen Gjoka, në Velipojë, ku të plagosur kanë mbetur Klarisa Gjoka 15 vjeç, Danjela Gjoka 18 vjeç, Enriko Gjoka 19 vjeç dhe Alketa Gjoka 30 vjeç.
Mësohet se të dëmtuarit do të dërgohen për mjekim të specializuar në Spitalin e Tiranës, pasi kanë djegie të konsiderueshme dhe gjendja e tyre shëndetësore është kritike.
Ndërkaq nga informacionet e para bëhet me dije se zjarri në banesën e familjes Gjoka ka rënë rreth orës 07:05 të mëngjesit.
