Një bombul gazi ka shpëthyer në katin e pestë të një banese në lagjen “30 Vjetori” në Berat. Shpërthimi i bombulës 3 kilogramëshe, ka shkaktuar edhe flakë të mëdha në ballkonin e banesës, që ishte shndërruar në dhomë gatimi.
Mësohet se në banesë jetonte i moshuari Hysni Gavelli, i cili ka qenë duke gatuar në momenti që bombula shpërthyer dhe ballkoni u përfshi nga flakët.
Mbërritja në kohë rekord e zjarrfikwsve të Beratit, ka bërë të mundur lokalizimin e shpejtë të flakëve dhe shuarjen e menjëhershme të zjarrit, duke mos lejuar përhapjen e tij në dhomat e tjera.
Zjarrëfikësit kanë nxjerrë jashtë pa lëndime Hysni Gavellin, që jetonte i vetëm në këtë banesë, pas vdekjes së bashkëshortes së tij.
Discussion about this post