Të paktën 45 minatorë u vranë në një zjarr të shkaktuar nga një shpërthim i gazit metan në një minierë në Kazakistan, thanë autoritetet në vend të dielën.
Në një deklaratë, Ministria për Situatat e Emergjencave tha se shpërthimi shkaktoi një zjarr herët të shtunën në minierën Kostenko në rajonin e Karagandës, njoftoi agjencia shtetërore e lajmeve Kazinform.
Më shumë se 200 njerëz u evakuuan nga miniera në vend të sigurt dhe përpjekjet e kërkimit janë duke vazhduar për një minator të zhdukur, tha ministria.
Miniera është në pronësi të ArcelorMittal me bazë në Luksemburg, prodhuesi më i madh në botë i çelikut, dhe drejtohet nga përfaqësuesi i saj lokal ArcelorMittal Temirtau, i cili operon miniera të shumta të qymyrit dhe mineralit të hekurit në të gjithë Kazakistanin.
Operacionet në tetë minierat e firmës në rajonin e Karagandës janë pezulluar dhe një hetim penal është hapur nga Zyra e Prokurorit të Përgjithshëm, tha ministria.
Në një deklaratë pas shpërthimit, ArcelorMittal tha se kohët e fundit kishte nënshkruar një marrëveshje paraprake me qeverinë e Kazakistanit për të transferuar pronësinë e ArcelorMittal Temirtau në Kazakistan dhe ishte “angazhuar për të përfunduar këtë transaksion sa më shpejt të jetë e mundur”.
Discussion about this post