Luis Hamitlon cilësohet si një prej pilotëve më të mirë në historinë e Formula 1. Së fundmi britaniku është rrëfyer mbi përballjen me racizmin, një temë shumë e nxehtë në Britaninë e Madhe. Hamilton i referohet vitit të largët 2008 ku disa persona kishin lyer fytyrën me të zezë duke simbolizuar familjen e pilotit.
“E mbaj mend mirë dhimbjen që përjetova atë ditë, por nuk thashë asgjë. Nuk kisha asnjë mbështetje. Askush nuk foli për këtë incident. Asgjë nuk ka ndryshuar. Kam qenë këtu për rreth 15 vjet. Jam shumë i mërzitur për këtë gjë. Shpesh pyes veten se pse më ndodhin mua këto gjëra. Pse unë jam i vetmi pilot me ngjyrë në Formula 1?”, – u shpreh anglezi.
