Milani ndodhet në krizë lojë dhe rezultatesh. Kuqezinjtë bënë shumë gabime në finalen e Superkupës së Italisë ndaj Interit. Loja mungoi dhe humbja 3-0 ishte mëse e merituar për kampionët në fuqi të Serie A.
Simon Kjaer, një nga liderat e skuadrës së Stefano Piolit, mori guximin për të folur pas finales duke u kërkuar falje tifozëve për performancën negative në derbi.
“E nisëm keq, pastaj u bë e vështirë. Ata janë të aftë në atë që bëjnë, ndërsa ne sonte nuk zhvilluam performancën e duhur. Duhet t’u kërkojmë falje tifozëve!
Duhet të analizojmë këtë ndeshje, dhe të rinisemi më pas. Nuk kemi kohë të ulim kokën, por kjo humbje të dhemb shumë. Diskutimi i të rinjve u mbyll përfundimisht.
Duhet të rritemi dhe të marrim përgjegjësi. Ishim pa identitet, duhet të nxjerrim mësime nga kjo humbje. Janë shumë aspekte loje ku duhet të përmirësohemi”, u shpreh mbrojtësi danez.
Discussion about this post