Një banesë ka shpërthyer në flakë pasditen e sotme në Itali. Mësohet se nga shpërthimi ka mbetur e plagosur një grua shqiptare. Sipas mediave vendase ngjarja ka ndodhur në zonën e Valdicecina, në Toskanë.
58-vjeçarja shqiptare bashkë me dy fëmijë, 7 dhe 4 vjeç, ka qenë në bodrumin e banesës në momentin që ka ndodhur shpërthimi.
Fatmirësisht fëmijët nuk kanë pësuar dëmtime, por gruaja shqiptare është shtruar në spital, jashtë rrezikut për jetën.
Policia ka nisur hetimet për shkaqet e shpërthimi, që mendohet të jetë një rrjedhje gazi.
Discussion about this post