Shpërthen në flakë makina në mes të rrugës

Një ngjarje e frikshme ka ndodhur këtë të enjte në aksin Librazhd-Qafë Thanë, atje ku një makinë në ecje e sipër, ka marrë flakë. Automjeti që drejtohej nga G. Gj., 42 vjeç, dyshohet se është djegur për shkak të një defekti.

Njoftimi i Policisë:

Rreth orës 15:30, në aksin rrugor Librazhd-Qafë Thanë, dyshohet se për shkak të një defekti, ka marrë flakë gjatë kohës që ishte në lëvizje, automjeti që drejtohej nga shtetasi G. Gj., 42 vjeç, banues në Tiranë. Si pasojë e flakëve janë shkaktuar vetëm dëme materiale. Grupi hetimor po punon për përcaktimin e shkaqeve të rënies së zjarrit.