Ylli i Paris Saint-Germain, Neymar është vënë shpesh në qendër të vëmendjes së kritikëve për jetën e tij personale.
Së fundmi në një intervistë të dhënë për kanalin ‘Youtube’ të ‘Fui Clear’ i është kundërpërgjigjur të gjithë atyre që shpesh herë e sulmojnë për jetën dhe sjelljet e tij.
“Njerëzit dinë të thonë vetëm që Neymar nuk di të kujdeset për veten, Neymar është kështu, Neymar është ashtu. Çfarë dini ju për Neymar ? Asgjë! Si mund të jem 12 vjet në krye nëse s’do kujdesesha për veten time? Askush se merr për bazë këtë gjë. Unë di të kujdesem për veten time, kam një terapist fizik dhe një tranjer privat 24 orë”,-ka thënë sulmuesi.
Më tej lojtari brazilian ka shtuar se nuk i takon askujt tjetër përveç atij që të flasë për jetën e tij personale, ndërsa ka theksuar se nuk do i lejojë të flasin më për të.
“Unë të lejoj të flasësh vetëm për jetën time brenda në fushë, ndërsa se çfarë bëjë jashtë në jetën time private më takon vetëm mua të jap mendime e përgjigje dhe jo juve. Unë dal kur të mundem nëpër festa. Nëse shkoj në një festë , dihet që të nesërmen jam pushim dhe nuk kam stërvitje apo ndeshje, normalisht që nuk do të shkoja kurrë në festë një natë para një seance stërvitore apo ndeshjeje.”-vijoi Neymar.
Ndërsa në fund ai ka folur edhe për dy patriotët e tij, Vinicius Jr dhe Rodrygo, të cilët i ka lavdëruar për punën e bërë, duke theksuar edhe se ata janë e ardhmja e Brazilit./K.T/Gijotina.com
