Një makinë ka shpërthyer pranë zyrës së kryetarit të Bashkisë në qytetin kolumbian të Argelia në departamentin e Kaukës, thanë autoritetet lokale. Shpërthimi la të plagosur një person dhe shkaktoi dëme të konsiderueshme materiale jashtë zyrës së kryetarit të bashkisë.
Kryebashkiaku Jhonnatan Patino tha se personi i plagosur ishte një roje sigurie që ishte në ndërtesë në momentin e shpërthimit.
“Një makinë bombë shpërtheu jashtë zyrës së kryetarit… ju mund të shihni shkatërrimin. Biblioteka u shkatërrua totalisht,” postoi zyrtari në rrjetet sociale.
Presidenti Ivan Duque dënoi sulmin përmes Twitter dhe njoftoi një mbledhje të “këshillit të jashtëzakonshëm të sigurisë” për ta adresuar atë, duke u zotuar se do të gjente përgjegjësit.
Discussion about this post