Deputeti i PD-së, Flamur Noka, u shpreh me tone të ashpra në Kuvend pas fjalës së kryeministrit Rama, që edhe pse 12 vite në pushtet nuk foli asnjë fjalë për rritjen e pensioneve, teksa prezantoi buxhetin për vitin 2025, por u mjaftua me premtimin për të shpërndarë një bonus fundviti për pensionistët.
Ai u shpreh se kryeministri u tall me pensionistët, ndërsa deputetët socialistë e duartrokitën, duke i rikujtuar “pleniumet e dikurshme të PPSH-së”.
“Foli dhe fyu mbetja e pariciklueshme e këtij vendi. Në qoftë se ka mbetje të pariciklueshme në këtë vend, ky që doli ishte. E dyta, ka turp më të madh?! Kur isha i ri shikoja pleniumet e dikurshme të partisë tuaj, ku ngriheshin në këmbë dhe duartrokisnin në kor, po a ka neveri më të madhe se kjo sot“, tha Noka.
Ndër të tjera demokrati tha se që nga 2014 deri tani, qeveria ka inaguruar sipas tij vetëm 20km autostradë, dhe janë rrugë me çmime 10 fish më shtrenjtë se rajoni.
“Jeni të habitshëm. Mbetja e pariciklueshme ka vetëm rrugën e largimit vitin tjetër, sepse ky është buxheti i fundit që do të keni mundësi të miratoni”, tha ai.
Fjala në Kuvend
Pastojeni këtë vendin këtu, e paska ndotur edhe këtë, urgjent të pastrohet. Foli dhe fyu mbetja e pariciklueshme e këtij vendi. Në qoftë se ka mbetje të pariciklueshme në këtë vend, ky që doli ishte. E dyta, ka turp më të madh?! Kur isha i ri shikoja pleniumet e dikurshme të partisë tuaj, ku ngriheshin në këmbë dhe duartrokisnin në kor, po a ka neveri më të madhe se kjo sot.
E treta, si mundet të dëgjojmë këtu mashtrime të pafytyra, është trefishuar buxheti tha, ku është trefishuar? Është trefishuar për ju, hajdutët, se për qytetarët “noc rrokun” tha. U tall me pensionistët.
Instituti i sigurimeve shoqërore që ju adrministoni dhe qeverisni, thotë 26% janë rritur pagat nga vitit 2014 deri tani, 34% është rritur inflacioni, 8% kanë të ardhura më pak pensionistët seç kanë pasur në 2013.
Ju duartrokisnin këtë mbeturinë të pariciklueshme. 50 mijë leke ka qenë bonusi për pensionistët dhe rrogë të 13-të në kohën e Berishës, ku e ka ky “noc rroku” shpërblimi e viti të ri dhe rrogën.
Foli për bonusin e bebeve, po 60% e tyre lindin jashtë Shqipërisë, prandaj ky kakaris këtu para jush, dhe ju e duartrokisni dhe më kujtoni kohët e qoftëlargut.
Foli për buxhetin e shëndetësisë, për cilin buxhet? Atë të Vilmës që ju e fshehët dhe se çuat në komisionin. Buxheti i shëndetësisë shkon te Vilma, që nxjerr burra shtatzënë dhe gratë me prostatë. Foli për bujqësinë e Fridës, që paratë e taksapaguesve evropianë bëri fshatra turistikë dhe nuk shkuan te fermeri.
Foli dhe për rrugët, që nga 2014 deri tani 20km autostradë ka inauguruar dhe ajo private. Rrugë më çmime 10 fish se rajoni. Jeni të habitshëm. Mbetja e pariciklueshme ka vetëm rrugën e largimit vitin tjetër, sepse ky është buxheti i fundit që do të keni mundësi të miratoni.
Nuk do keni më mundësi të harxhoni buxhet, se këtë buxhet hajdutërie shqiptarët do e refuzojnë me votë.
Discussion about this post